Kvæði/søga

Tvørfakligu dagarnir í januar/februar vóru serliga tengdir at okkara kvæðaskatti. Vit viðgjørdu fleiri kvæði/vísur á ymiskan hátt. Føroyingasøgan og søga sum heild høvdu stóran leiklut hesa ferð. Eisini vóru kvæðini lýst við leiki, myndlist, handarbeiði og yrkinga/søguskriving. Dansisiðir og stig vóru sum verða man eisini ein partur av hesum døgunum, og nógv bleiv dansað og lært uttanat. Vit vóru eisini so heppin at hava tvær læraralesandi í starvsvenjing ein part av tíðini. myndir

Fastalávint 2026

Í ár var fastalávintshaldið í Skálavík. Vit høvdu ein so góðan og vælfyriskipaðan dag saman við øllum skúlunum í Sandoynni. Stuttligt at hitta allar tær flottu grýlurnar, dansurin gekk eisini av tí besta, tá skúlarnir skiftust um at skipa. Kattakongarnir vóru sjálvandi eisini heiðraðir. myndir - Meginskúlin

Kvæðastevnan 2026

Týsdagin luttóku 4. og 5. flokkur á árligu kvæðastevnuni í Norðurlandahúsinum. Ein sera væl fyriskipaður og hugnaligur dagur har dansurin og kvæðini vóru í hásæti. Eisini vóru tey so heppin at sleppa í Dag og viku. myndir

Kvæðaspurnakapping

Hesa vikuna hevur føroyskur dansur verið á breddanum í Sands skúla. 4. og 5. flokkur hava luttikið í útvarpsspurnakappingini “Tú manst vita frá mongum at siga”. Týsdagin vóru tað Elias og Eir, sum umboðaðu 4.flokk og fríggjadagin vóru tað Drós og Janus, sum umboðaðu 5.flokk. Tey kláraðu seg framúr væl. 5.flokkur vann sína kapping, meðan tey í 4.flokki vórðu akkurát ov stutt. Dugnaligir næmingar og lærarar vit eiga. Kvæðaspurnakapping 2. partur - Kvæðaspurnakapping 5.partur

Evnisvika - Norrøna gudalæran

Evnisvika um Norrønu gudalæruna er júst farin aftur um bak. Vit hava kannað og funnið út av, hvørja trúgv forfedrar okkara høvdu. Óðin, Tórur, Frigg, Loki, Baldur, Hel, Fenrisúlvurin, Miðgarðsormurin, Yggdrasil eru millum tey, vit hava lært um. Vit hava gjørt leikir, myndir og frásagnir um gudarnar. Vit endaðu sjálvandi við at vísa alt, vit høvdu fingið burturúr, fyri foreldurum, ommum, abbum, systkjum o.ø. myndir

Hvør eri eg?

Seinasta mánadagsverkætlanin í ár er av. Evni hesaferð var "Hvør eri eg?".

Vit hava lært um mannakroppin, reinføri, tannheilsu, kost og heilsu. Ættartalvur og undran um, hvat eitt menniskja er, og hvat ger okkum, til tað vit eru, var eisini ein partur av døgunum. myndir

Árstíðirnar

Mánadagin 27.okt. endaði verkætlanararbeiðið um árstíðirnar. Tá vit byrjaðu, høvdu vit vitjan av Sunnleif Rasmussen, tónaskaldi. Hann lærdi okkum at lurta og endurskapa tey ljóð, vit hoyra rundan um okkum. Vit hava eisini lært um, hvussu tað ber til at árstíðirnar skifta, og hvat eyðkennir tær ymisku árstíðirnar. Søgur eru skrivaðar, myndir teknaðar/málaðar, filmar framleiddir og matur úr ymisku árstíðunum gjørdur. Alt arbeiði endaði við eini so sera góðari “Heystfest”, har næmingar gjørdu alt so vakurt og innbjóðandi. myndir

Nærveruvika

Í viku 44 er lýst við átakið, sum varpar ljós á árinini av ov nógvari skýggjanýtslu. Vit í Sands skúla hava avgjørt, at vit vilja verða ein partur av hesum átaki, hóast vit hava telefonpolitik, sum leggur upp til, at telefonir ikki koma við í skúla. Vit fara hesa vikuna at seta nærveruna í brennidepilin. Samstundis heita vit á øll, bæði næmingar, foreldur og starvsfólk um at royna at leggja allar skermar til síðis hesa vikuna. Vit hava til hetta átakið fingið ein stóran pakka við spølum frá Betri Trygging.

Eisini vilja vit eggja tykkum til at vitja SkíggjaSunn áðrenn tiltakið byrjar.

Trivnaðardagur

Skúlastýrið skipar árliga fyri einum frálíkum trivnaðartiltakið. Spæliliðið í Sandoyar Meginskúla var í tí sambandi og skipaði fyri spølum har bæði vaksin og børn stuttleikaðu sær óført, áðrenn øll fór inn at fáa sær pylsur.