Leygardagin var finalan í Pangea - Støddfrøðikappingini. Michael úr 5.flokki í Sands skúla var ein av luttakarunum. Vit eru sera errin av honum. pangea
Fastalávint 2025
Til fastalávintshaldið í ár fingu vit vitjan av øllum skúlunum í Sandoynni. Ein so sera hugnaligur dagur við tunnusláing, flottum grýlum, góðum føroyskum dansi, kakao og bollum og ikki minst 4 sterkum kattakongum. fleiri myndir
Listaleypurin
Í dag hava vit havt vitjan av Jazzkrassj. Eitt stórt upplivilsi at hoyra og spæla við í spennandi djassinum. Dugnaligu tónleikararnir fingu næmingarnar rættiliga upp úr stólinum.
Norðurlond
Fyrstu vikurnar í nýggja árinum var evni í tvørfakligu tímunum “Norðurlond”. Vit hava lært eitt sindur um øll londini, nógvar plakatir eru gjørdar og hongdar upp, allir tjóðsangirnir eru sungnir, onkur leikur var eisini og so endaðu við eini norðurlendskari veitslu har vit fingu “svenskar kjøtbollar”. Veitslan var sera góð, hugnalig og stuttlig. Næmingarnir, saman við starvsfólki, høvdu rigga alt so væl til, bæði við pynti, sanghefti, undirhaldi og ikki minst góðum mati. Endabresturin var diskotek við tónleiki úr Norðurlondum. myndir
Kvæðastevna
Í dag hava 4. og 5. flokkur verið í Norðurlandahúsinum á kvæðastevnu. Ein so sera væleydnaður og væl fyriskipaður dagur við dansi, spølum, søgum, kahoot, dansispølum og at enda konsert við Hamradun. frásøgn á in.fo
Innskriving
jólaleikur
Í kvøld hevur verið fult hús í Sands skúla. Tveir góðir leikir sýndir, tónleikur frá næmingum, sum ganga í musikkskúla, og ikki at gloyma drekkamunnin, við øllum góðum afturvið, sum næmingarnir høvdu gjørt. Takk fyri eina framúr góða jólaevnisviku. Og sum altíð eru familja /avvarandi so sera røsk at møta upp. Stuttligt at síggja gleðina lýsa úr eygunum á bæði vaksnum og børnum eftir at hava gjørt sær ómak, at fáa alt at rigga so væl. myndir
jólastákan
Nú er jólastákanin í hæddini. Vit gera okkum til reiðar at bjóða familju/avvarandi at koma í skúlan at hyggja eftir jólaleiki. Eisini fara vit at bjóða okkurt gott aftaná. Vit eru sum vera man sera spent nú.
Framførslurnar verða mikudagin kl 17.
Takksemi
Seinasta mánadagsvekætlanin í hesum árinum hevur verið ein arbeiðsdagur undir heitinum takksemi. Vit hava m.a. hoyrt søgu, sungið, hugleitt, gjørt smáar leikir og gjørt flottu hjørtuni á myndini.
Føroyar
Tvørfakligu tímarnir 21.okt-2.des hava yvirskriftina “Føroyar”. Vit hava lært um oyggjar, bygdir, fjøll, vøtn, at lesa atlas, søgur og sagnir og sereyðkenni úr ymisku støðunum o.a. Vit hava sungið fosturlandssangir, bæði nýggjar og gamlar og hoyrt bíbilsøgu um útlegd ísraelsmanna.
Postur
Eitt av evnunum, vit hava arbeitt við í ár, er Postur. Vit hava lært um, hvussu eitt bræv verður skrivað, og roynt okkum við tí. Søguliga postsøgan hevur eisini verði frammi. Vit hava lært at skriva og senda teldupost. Og vit hava lært um frímerki, hvussu tey verða brúkt, og hvat virðið tey hava. Eisini eru nógv flott frímerki gjørd. At vit so sluppu at verða við í átakinum at skriva jólakort setti eitt stuttligt punktum á evni. vit skriva jólakort
Jólakort
Øll jólakortini skrivað og koyrd í brævbjálvar, í morgin kemur onkur frá Posta eftir teimum. Eitt stuttligt átak at verða partur av.
First Lego League 2024
5.flokkur hevur gjørt eina verkætlan um, hvussu man kann hjálpa skipum at finna fisk.
Tey eru komin fram til at uppfinna ein makrel, sum kann svimja út at leita, ístaðin fyri at senda eitt skip avstað at leita. Eitt smart uppfinnilsi, sum kann spara skipunum bæði tíð og olju.
5.flokkur á ferð
5.flokkur arbeiðir í løtuni við verkætlan til kappingina First Lego League. Her vitja tey umborð á Eysturbúgvanum, sum liggur í Kollafirði. Eisini vóru vit ein túr á Havstovuni. fleiri myndir her
Uppstillingarfundur
Renningardagur 2024
Renningardagur 3.okt. Altíð ein góður túrur. myndir her
Næmingaráðsdagur
Sandoyar Meginskúli (meginskulin.fo)
Kristrun og Anja (okkara umboð úr skúlastýrinum), sum eisini vóru við, vanta á myndini.
Trivnaðardagur
Skúlastýrið í Sands skúla skipaði seinnapartin í gjár fyri hugnaligum trivnaðardegi fyri næmingum og teirra avvarðandi og starvsfólkum. Eitt sera gott tiltak har vaksin og børn fingu høvi at spæla saman. Spæliliðini úr Meginskúlanum og Sands skúla skipaðu so fyrimyndarliga fyri. Aftaná vóru øll boðin inn í skúlan til døgurða. myndir her